2026 ఐపీఎల్ సీజన్ పంజాబ్ కింగ్స్కు తీవ్ర నిరాశను మిగిల్చింది. 2025లో 11 ఏళ్ల తర్వాత ప్లేఆఫ్స్కు చేరి రన్నరప్గా నిలిచిన పీబీకేఎస్.. ఈసారి టైటిల్ ఫేవరెట్లలో ఒకటిగా బరిలోకి దిగింది. కెప్టెన్ శ్రేయస్ అయ్యర్ నేతృత్వంలో తొలి ఏడు మ్యాచ్ల్లో ఆరు విజయాలు సాధించి జట్టు అద్భుత ఆరంభం చేసింది.
అయితే ఆ తర్వాత పంజాబ్ కింగ్స్ వరుసగా ఆరు మ్యాచ్ల్లో ఓడిపోవడంతో ప్లేఆఫ్స్కు దూరమైంది. జట్టు అనూహ్య పతనంపై ఆటగాళ్లు, మేనేజ్మెంట్ తీరుపై తీవ్ర చర్చ జరిగింది. ముఖ్యంగా డ్రెస్సింగ్ రూమ్లో ఆటగాళ్ల మధ్య విభేదాలు ఉన్నాయంటూ సోషల్ మీడియాలో ప్రచారం సాగింది.
ఈ వార్తలపై స్టార్ బ్యాటర్ శశాంక్ సింగ్ స్పందిస్తూ కీలక క్లారిటీ ఇచ్చాడు. జట్టు సభ్యుల మధ్య ఎలాంటి విభేదాలు లేవని స్పష్టం చేశాడు. డ్రెస్సింగ్ రూమ్లో ఆటగాళ్లంతా ఐక్యంగానే ఉన్నారని, వరుస పరాజయాల కారణంగానే ఇలాంటి ప్రచారం జరిగిందని పేర్కొన్నాడు. పంజాబ్ కింగ్స్ వైఫల్యానికి అంతర్గత విభేదాలే కారణమన్న వార్తల్లో నిజం లేదని శశాంక్ వ్యాఖ్యలు స్పష్టం చేశాయి.