ఓటరు జాబితా ప్రత్యేక సమగ్ర సవరణ (Special Intensive Revision – SIR) ప్రక్రియపై సుప్రీంకోర్టు కీలక వ్యాఖ్యలు చేసింది. ఓటరు జాబితాలో ఒక వ్యక్తి పేరు తొలగించినంత మాత్రాన అతను భారత పౌరసత్వాన్ని కోల్పోయినట్లుగా భావించరాదని అత్యున్నత న్యాయస్థానం స్పష్టం చేసింది.
పశ్చిమ బెంగాల్లో SIR ప్రక్రియపై వ్యక్తమైన అభ్యంతరాలకు సంబంధించి దాఖలైన పిటిషన్ను విచారించిన సుప్రీంకోర్టు, ఈ వ్యవహారంపై కేంద్ర ఎన్నికల సంఘం (ECI)తో పాటు పశ్చిమ బెంగాల్ ప్రభుత్వానికి నోటీసులు జారీ చేసింది. ఈ అంశంపై వారి నుంచి సమాధానం కోరింది.
ఓటరు జాబితా సవరణ ప్రక్రియ రాజ్యాంగబద్ధంగా, చట్టబద్ధంగా జరగాలని న్యాయస్థానం సూచించింది. ఓటరు జాబితాలో పేరు లేకపోవడం, పౌరసత్వ హోదాతో నేరుగా సంబంధం లేదని స్పష్టం చేసిన సుప్రీంకోర్టు వ్యాఖ్యలు ఈ కేసులో కీలక పరిణామంగా మారాయి.