ఝరాసంగం మండలంలో ఘనంగా బసవ జయంతి వేడుకలు.

తేది:20-04- 2026 సంగారెడ్డి జిల్లా ఝరాసంగం మండలం TSLAWNEWS రిపోర్టర్ ఫయాజ్ షరీఫ్.

సంగారెడ్డి జిల్లా : ​ఝరాసంగం మండల పరిధిలోని బొప్పాన్ పల్లి చౌరస్తాలో జగజ్యోతి బసవేశ్వరుని జయంతి ఉత్సవాలను ఆదివారం అత్యంత వైభవంగా నిర్వహించారు. ఈ సందర్భంగా చౌరస్తాలో ఉన్న బసవేశ్వర విగ్రహానికి పూలమాలలు వేసి, ప్రత్యేక పూజలు నిర్వహించి ఘనంగా నివాళులర్పించారు.
​”కాయకమే కైలాసం” అని చాటిచెప్పిన మహనీయుడు బసవేశ్వరుడని, ఆయన చూపిన మార్గం నేటి సమాజానికి ఎంతో ఆదర్శనీయమని ఈ సందర్భంగా నాయకులు కొనియాడారు. కులమతాలకు అతీతంగా సమానత్వాన్ని కాంక్షించిన గొప్ప సంస్కర్త బసవన్న అని వారు పేర్కొన్నారు.
​పాల్గొన్న ప్రముఖులు,ఈ ఉత్సవాల్లో స్థానిక ప్రజాప్రతినిధులు మరియు నాయకులు పెద్ద సంఖ్యలో పాల్గొన్నారు.వినోద బాలరాజ్ సర్పంచ్,ఝరాసంగం మండల ముఖ్య నాయకులు
​మాజీ ఎంపీటీసీలు,వివిధ గ్రామాల సర్పంచులు, వార్డు మెంబర్లు మరియు గ్రామ పెద్దలు,భక్తులు, బసవ అభిమానులు అధిక సంఖ్యలో తరలివచ్చి విగ్రహం వద్ద హారతులు ఇచ్చి, తీర్థ ప్రసాదాలు స్వీకరించారు. ఈ కార్యక్రమంతో కప్పాడు చౌరస్తా ప్రాంతం ఆధ్యాత్మిక శోభతో సంతరించుకుంది.