స్మార్ట్ఫోన్ను ఎక్కువసేపు ఉపయోగించడం, భారీ గేమ్స్ ఆడటం లేదా ఒకేసారి అనేక యాప్లు వినియోగించడం వల్ల ఫోన్ వేడెక్కడం సాధారణమే. అయితే ఫోన్ ఎక్కువగా వేడిగా మారినప్పుడు కొందరు వెంటనే చల్లబరచాలనే ఉద్దేశంతో ఫ్రిజ్ లేదా ఫ్రీజర్లో పెట్టడం వంటి తప్పులు చేస్తున్నారు.
టెక్ నిపుణుల హెచ్చరిక ప్రకారం, వేడెక్కిన ఫోన్ను నేరుగా ఫ్రిజ్ లేదా ఫ్రీజర్లో ఉంచడం వల్ల ఆకస్మిక ఉష్ణోగ్రత మార్పు కారణంగా ఫోన్ లోపల తేమ (కండెన్సేషన్) ఏర్పడే ప్రమాదం ఉంది. దీంతో బ్యాటరీ, డిస్ప్లే, మదర్బోర్డ్ వంటి కీలక భాగాలు దెబ్బతిని ఫోన్ పూర్తిగా పాడయ్యే అవకాశం ఉంటుంది.
ఫోన్ వేడెక్కితే వెంటనే చార్జర్ను తొలగించడం, అవసరం లేని యాప్లను మూసివేయడం, కొద్దిసేపు ఫోన్ను ఉపయోగించకుండా నీడ ఉన్న ప్రదేశంలో ఉంచడం మంచిది. ఫోన్ను సహజంగా చల్లబడేలా చేయడం అత్యంత సురక్షితమైన మార్గమని నిపుణులు సూచిస్తున్నారు.