బాలీవుడ్ నటి, బీజేపీ ఎంపీ కంగనా రనౌత్ మరోసారి తన వ్యాఖ్యలతో వార్తల్లో నిలిచారు. తరచూ ఘాటు వ్యాఖ్యలతో చర్చకు దారితీసే కంగనా.. ఈసారి నేటి తరం యువతను లక్ష్యంగా చేసుకుని చేసిన వ్యాఖ్యలు సోషల్ మీడియాలో తీవ్ర చర్చకు దారితీశాయి. ఇటీవల ఓ ఇంటర్వ్యూలో మాట్లాడిన ఆమె.. యువత ఆలోచనా విధానం, జీవనశైలిపై తన అసంతృప్తిని వ్యక్తం చేశారు.
ప్రస్తుత యువతలో క్రమశిక్షణ లోపించిందని, వారి ప్రవర్తన సమాజంపై ప్రతికూల ప్రభావం చూపుతోందని కంగనా వ్యాఖ్యానించినట్లు సమాచారం. అంతేకాకుండా నేటి తరాన్ని ‘జనరేషన్ గట్టర్’ అంటూ ఆమె అభివర్ణించారు. యువత తమ జీవన విధానం, ఆలోచనా తీరును మార్చుకోవాల్సిన అవసరం ఉందనే అభిప్రాయాన్ని ఆమె వ్యక్తం చేసినట్లు తెలుస్తోంది.
కంగనా చేసిన ఈ వ్యాఖ్యలు ప్రస్తుతం సోషల్ మీడియాలో వైరల్గా మారాయి. ఆమె వ్యాఖ్యలపై కొందరు నెటిజన్లు మద్దతు తెలుపుతుండగా, మరికొందరు తీవ్రంగా విమర్శిస్తున్నారు. దీంతో కంగనా మరోసారి సోషల్ మీడియా చర్చల్లోకి వచ్చారు. యువతపై ఆమె చేసిన వ్యాఖ్యలు రానున్న రోజుల్లో ఎలాంటి రాజకీయ, సామాజిక చర్చకు దారితీస్తాయో చూడాలి.