వరంగల్లోని భద్రకాళి అమ్మవారి శ్రీ శాఖంబరి నవరాత్ర మహోత్సవాలు నేటితో 14వ రోజుకు చేరుకున్నాయి. ఈ సందర్భంగా ఆలయంలో ప్రత్యేక పూజలు, ఆధ్యాత్మిక కార్యక్రమాలు భక్తిశ్రద్ధల మధ్య కొనసాగుతున్నాయి. ప్రతి రోజు భిన్నమైన అలంకారాలతో అమ్మవారు భక్తులకు దర్శనమిస్తూ విశేషంగా ఆకట్టుకుంటున్నారు.
నేటి ఉదయం భద్రకాళి అమ్మవారు ముద్రా క్రమం అలంకారంలో భక్తులకు దర్శనమివ్వనున్నారు. సాయంత్రం జ్వాలామాలిని క్రమంలో ప్రత్యేకంగా అలంకరించి దర్శనమివ్వనున్నట్లు ఆలయ వర్గాలు తెలిపాయి. ఈ రెండు అలంకారాలను దర్శించేందుకు పెద్ద సంఖ్యలో భక్తులు ఆలయానికి తరలివస్తున్నారు.
శాఖంబరి నవరాత్రుల సందర్భంగా ఆలయంలో ప్రత్యేక హోమాలు, అర్చనలు, సాంస్కృతిక కార్యక్రమాలు కొనసాగుతున్నాయి. అమ్మవారి దర్శనం కోసం రాష్ట్రం నలుమూలల నుంచి భక్తులు పెద్ద ఎత్తున తరలివస్తుండగా, ఆలయ పరిసరాల్లో ఆధ్యాత్మిక వాతావరణం నెలకొంది.