రామానంద్ సాగర్ రూపొందించిన క్లాసిక్ ‘రామాయణం’ టీవీ సీరియల్లో సీతాదేవిగా నటించి ప్రేక్షకుల మన్ననలు పొందిన సీనియర్ నటి దీపికా చిఖ్లియా, నితీష్ తివారీ తెరకెక్కిస్తున్న పాన్-ఇండియా చిత్రం ‘రామాయణం’ కాస్టింగ్పై ఆసక్తికర వ్యాఖ్యలు చేశారు. రణ్బీర్ కపూర్ రాముడిగా, సాయిపల్లవి సీత పాత్రలో నటిస్తున్న ఈ చిత్రంపై ఆమె తన అభిప్రాయాన్ని వెల్లడించారు.
సాయిపల్లవి అద్భుతమైన నటి అని ప్రశంసించిన దీపికా చిఖ్లియా, నటన పరంగా ఆమెపై ఎలాంటి సందేహం లేదని చెప్పారు. అయితే సీతాదేవి పాత్రలో ఆమె రూపం, తెరపై ప్రెజెంటేషన్ ఎలా ఉంటుందో చూడాలనే ఆసక్తి, కొంత సందేహం తనకు ఉందని పేర్కొన్నారు.
ఇప్పటికే ‘రామాయణం’ సినిమాపై దేశవ్యాప్తంగా భారీ అంచనాలు నెలకొన్నాయి. ఈ నేపథ్యంలో సాయిపల్లవి సీత పాత్రను ఎలా పోషిస్తుందనే అంశం అభిమానుల్లో ఆసక్తిని రేకెత్తిస్తుండగా, దీపికా చిఖ్లియా చేసిన ఈ వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి.