ఉమ్మడి వరంగల్ జిల్లా కాంగ్రెస్ రాజకీయాల్లో మంత్రి కొండా సురేఖ, ఎమ్మెల్యే కడియం శ్రీహరి మధ్య విభేదాలు మరోసారి బహిర్గతమయ్యాయి. ఇటీవల అధిష్టానం జోక్యంతో ఇద్దరి మధ్య విభేదాలు సద్దుమణిగినట్లు భావించినప్పటికీ, జిల్లా అభివృద్ధి సమీక్షలు, అధికారుల సమావేశాల వ్యవహారంలో తాజా పరిణామాలు మళ్లీ రాజకీయ చర్చకు దారితీశాయి.
ఇటీవల కడియం శ్రీహరి తన నియోజకవర్గ సమస్యలపై అధికారులతో సమీక్ష సమావేశం నిర్వహించి, ఉమ్మడి వరంగల్ జిల్లాకు సంబంధించిన మాస్టర్ ప్లాన్ను సమర్పించాలని అధికారులను కోరినట్లు సమాచారం. దీనిపై మంత్రి కొండా సురేఖ తీవ్ర అభ్యంతరం వ్యక్తం చేశారు. నియోజకవర్గ పరిధిని దాటి జిల్లా వ్యవహారాల్లో జోక్యం చేసుకోవడం ప్రోటోకాల్కు విరుద్ధమని, అధికారులపై అనవసర ఒత్తిడి తేవడం సరికాదని ఆమె పేర్కొన్నట్లు తెలుస్తోంది.
ఈ వ్యవహారాన్ని తీవ్రంగా పరిగణించిన కొండా సురేఖ, కడియం శ్రీహరి వ్యవహార శైలిపై అసంతృప్తి వ్యక్తం చేస్తూ ఏఐసీసీ నాయకత్వంతో పాటు ముఖ్యమంత్రి రేవంత్ రెడ్డికి కూడా లేఖ రాసినట్లు సమాచారం. గతంలో కూడా ఈ ఇద్దరు నేతల మధ్య విభేదాలు వెలుగుచూసిన నేపథ్యంలో, తాజా పరిణామాలు వరంగల్ కాంగ్రెస్లో మళ్లీ రాజకీయ వేడి పెంచుతున్నాయి.