తేది:14-04- 2026 సంగారెడ్డి జిల్లా ఝరాసంగం మండలం TSLAWNEWS రిపోర్టర్ ఫయాజ్ షరీఫ్.
సంగారెడ్డి జిల్లా : తెలంగాణ రాష్ట్ర ప్రభుత్వం పేద ప్రజల సంక్షేమం కోసం అత్యంత ప్రతిష్టాత్మకంగా అమలు చేస్తున్న కల్యాణ లక్ష్మి మరియు షాదీ ముబారక్ పథకాల చెక్కుల పంపిణీ కార్యక్రమం జహీరాబాద్ పట్టణంలోని SV ఫంక్షన్ హాల్లో అత్యంత కోలాహలంగా నిర్వహించబడింది.
ప్రముఖుల సమక్షంలో పార్లమెంట్ సభ్యులు శ్రీ సురేష్ కుమార్ షెట్కార్ పర్యవేక్షణలో జరిగిన ఈ కార్యక్రమంలో, ఝరాసంగం మండల కాంగ్రెస్ పార్టీ అధ్యక్షులు హనుమంతరావు పాటిల్ ముఖ్య అతిథిగా విచ్చేశారు. వారు ఝరాసంగం మండలం వివిధ గ్రామాల లబ్ధిదారులకు ప్రభుత్వ ఆర్థిక సాయానికి సంబంధించిన చెక్కులను స్వహస్తాలతో అందజేశారు.
లబ్ధిదారుల వివరాలు:
ఈ కార్యక్రమంలో కొల్లూరు గ్రామానికి చెందిన కింది లబ్ధిదారులు చెక్కులను అందుకున్నారు.కిందొడ్ల లక్ష్మి
డప్పుర్ శకుంతల,షాహీన్ బీ,ఈ సందర్భంగా నాయకులు మాట్లాడుతూ, ఆడబిడ్డల పెళ్లిళ్లు పేద కుటుంబాలకు భారం కాకూడదనే ఉద్దేశంతో ప్రభుత్వం ఈ ఆర్థిక సాయాన్ని అందిస్తోందని పేర్కొన్నారు. అర్హులైన ప్రతి ఒక్కరికీ సంక్షేమ పథకాలు అందేలా కృషి చేస్తామని హామీ ఇచ్చారు.
ఈ కార్యక్రమంలో ఝరాసంగం ముఖ్య నాయకులు, వివిధ గ్రామాల ప్రజాప్రతినిధులు, సర్పంచులు, మాజీ సర్పంచులు, మాజీ ఎంపీటీసీలు, మండల నాయకులు, మహిళలు మరియు పెద్ద సంఖ్యలో రైతులు పాల్గొన్నారు. చెక్కులు అందుకున్న లబ్ధిదారులు ప్రభుత్వం పట్ల మరియు సహకరించిన నాయకుల పట్ల కృతజ్ఞతలు చాటుకున్నారు.