సూపర్స్టార్ మహేష్ బాబు ప్రస్తుతం ఎస్ఎస్ రాజమౌళి దర్శకత్వంలో తెరకెక్కుతున్న ‘వారణాసి’ చిత్రంతో బిజీగా ఉన్నారు. ఈ సినిమా తర్వాత మహేష్ బాబు ఎవరితో కలిసి పనిచేయనున్నారనే అంశంపై టాలీవుడ్లో చర్చ కొనసాగుతోంది. ఆయన తదుపరి దర్శకుడు ఎవరనే దానిపై పలు పేర్లు వినిపిస్తున్నాయి.
‘వారణాసి’ తర్వాత బుచ్చిబాబు సానా, సందీప్ రెడ్డి వంగా, ప్రశాంత్ నీల్ వంటి దర్శకులతో మహేష్ బాబు సినిమాలు చేసే అవకాశం ఉందంటూ గతంలో పలు వార్తలు వచ్చాయి. ముఖ్యంగా ‘పెద్ది’ తర్వాత బుచ్చిబాబు సానాతో మహేష్ సినిమా ఉండొచ్చనే ప్రచారం కూడా జరిగింది.
మరోవైపు దర్శకుడు అనిల్ రావిపూడి పేరు కూడా మహేష్ తదుపరి ప్రాజెక్ట్కు సంబంధించి వినిపించింది. అయితే మహేష్ బాబుతో తన తదుపరి సినిమా లేదని అనిల్ రావిపూడి స్పష్టం చేసినట్లు సమాచారం. దీంతో ‘వారణాసి’ తర్వాత మహేష్ ఎవరితో సినిమా చేయనున్నారనే విషయంపై అధికారిక ప్రకటన కోసం అభిమానులు ఎదురుచూస్తున్నారు.