ఉంగుటూరు నియోజకవర్గంలో DSC-2025 నియామకాల్లో జరిగినట్లు ఆరోపిస్తున్న అక్రమాలు, అవకతవకలపై CBI విచారణ జరపాలని డిమాండ్ చేస్తూ వైఎస్సార్ కాంగ్రెస్ పార్టీ ఆధ్వర్యంలో భారీ నిరసన ర్యాలీ నిర్వహించనున్నారు. వైఎస్సార్సీపీ అధ్యక్షుడు వైఎస్ జగన్మోహన్ రెడ్డి పిలుపు మేరకు చేపడుతున్న ఈ కార్యక్రమానికి ఉంగుటూరు నియోజకవర్గ మాజీ ఎమ్మెల్యే, వైఎస్సార్సీపీ PAC సభ్యుడు పుప్పాల వాసుబాబు ఆధ్వర్యం వహించనున్నారు. రాజకీయ బాధ్యత వహిస్తూ విద్యాశాఖ మంత్రి నారా లోకేశ్ రాజీనామా చేయాలని కూడా పార్టీ నేతలు డిమాండ్ చేస్తున్నారు.
నిరసన ర్యాలీ సోమవారం ఉదయం 8:30 గంటలకు ఉంగుటూరు జాతీయ రహదారిపై మంగరావు కర్రల మిషన్ సమీపం నుంచి ప్రారంభమై రాజశేఖరరెడ్డి విగ్రహం వరకు కొనసాగనుంది. ఈ మేరకు పార్టీ నాయకులు, కార్యకర్తలు, అభిమానులు, యువత, విద్యార్థులు, నిరుద్యోగులు, విద్యార్థి–నిరుద్యోగ యువత తల్లిదండ్రులు పెద్ద సంఖ్యలో పాల్గొనాలని నిర్వాహకులు పిలుపునిచ్చారు.
DSC-2025 నియామకాల్లో జరిగినట్లు ఆరోపిస్తున్న అవకతవకలపై సమగ్ర దర్యాప్తు జరిపి వాస్తవాలను వెలుగులోకి తీసుకురావాలని నిరసనకారులు కోరుతున్నారు. కార్యక్రమాన్ని విజయవంతం చేసేందుకు పార్టీ శ్రేణులు, నిరుద్యోగ యువత, విద్యార్థులు పెద్ద సంఖ్యలో హాజరు కావాలని వైఎస్సార్సీపీ నాయకులు విజ్ఞప్తి చేశారు.