అంతర్జాతీయ చమురు రవాణాకు అత్యంత కీలకమైన హోర్ముజ్ జలసంధి ప్రాంతంలో ఇరాన్, అమెరికా మధ్య ఉద్రిక్తతలు మరింత తీవ్రమయ్యాయి. జలసంధిలో ఇరాన్ మూడు చమురు ట్యాంకర్లను లక్ష్యంగా చేసుకుని దాడులకు పాల్పడినట్లు సమాచారం వెలువడడంతో ప్రపంచవ్యాప్తంగా ఆందోళనలు వ్యక్తమవుతున్నాయి. ఈ పరిణామాలు గ్లోబల్ ఇంధన సరఫరా, సముద్ర వాణిజ్యంపై ప్రభావం చూపే అవకాశం ఉందనే అంచనాలు వినిపిస్తున్నాయి.
ఇరాన్ చర్యలకు ప్రతిస్పందనగా అమెరికా సెంట్రల్ కమాండ్ భారీ సైనిక చర్యలు చేపట్టింది. ఇరాన్ విప్లవాత్మక గార్డ్స్కు చెందిన కీలక స్థావరాలను లక్ష్యంగా చేసుకుని వైమానిక దాడులు నిర్వహించినట్లు వైట్ హౌస్ వెల్లడించింది. ఖుజెస్తాన్ ప్రావిన్స్లోని అహ్వాజ్, షాదేగాన్ ప్రాంతాలతో పాటు కేశ్మ్, కజేరున్ ప్రాంతాల్లో ఉన్న డ్రోన్, క్షిపణి, సైనిక కేంద్రాలపై దాడులు జరిగినట్లు పేర్కొంది.
ఈ పరిణామాలతో మధ్యప్రాచ్యంలో భద్రతా పరిస్థితులు మరింత ఉద్రిక్తంగా మారాయి. హోర్ముజ్ జలసంధి ప్రపంచ చమురు రవాణాలో కీలక మార్గం కావడంతో అక్కడ కొనసాగుతున్న సైనిక ఉద్రిక్తతలు అంతర్జాతీయ మార్కెట్లపై ప్రభావం చూపే అవకాశముందని విశ్లేషకులు భావిస్తున్నారు. అయితే ఈ ఘటనలపై ఇరాన్ నుంచి పూర్తి స్థాయి అధికారిక స్పందన వెలువడాల్సి ఉంది.