రామ్ చరణ్ హీరోగా బుచ్చిబాబు సానా దర్శకత్వంలో తెరకెక్కిన ‘పెద్ది’ చిత్రానికి సంబంధించిన ఓటీటీ విడుదల తేదీని నెట్ఫ్లిక్స్ అధికారికంగా ప్రకటించింది. థియేటర్లలో ప్రేక్షకులను అలరించిన ఈ చిత్రం త్వరలోనే డిజిటల్ వేదికపై స్ట్రీమింగ్కు సిద్ధమైంది. శివ రాజ్కుమార్, జాన్వీ కపూర్ కీలక పాత్రలు పోషించిన ఈ సినిమాపై ఇప్పటికే మంచి అంచనాలు ఉన్నాయి.
నెట్ఫ్లిక్స్ ప్రకటన ప్రకారం.. జూలై 9 నుంచి తెలుగు, తమిళం, కన్నడ, మలయాళ భాషల్లో ఈ చిత్రం స్ట్రీమింగ్ కానుంది. హిందీ వెర్షన్ మాత్రం జూలై 30 నుంచి అందుబాటులోకి రానుంది. థియేటర్లలో సుమారు 35 రోజుల ప్రదర్శన తర్వాత ‘పెద్ది’ ఓటీటీ ప్రేక్షకులను అలరించనుంది.
పవర్ఫుల్ కథాంశంతో రూపొందిన ఈ చిత్రంలో రామ్ చరణ్ పాత్రను దర్శకుడు బుచ్చిబాబు సానా విభిన్నంగా ఆవిష్కరించినట్లు చిత్రబృందం తెలిపింది. శివ రాజ్కుమార్, జాన్వీ కపూర్ నటన సినిమాకు ప్రత్యేక ఆకర్షణగా నిలిచింది. థియేటర్లలో చూడని ప్రేక్షకులు ఇప్పుడు తమకు నచ్చిన భాషలో నెట్ఫ్లిక్స్లో ఈ చిత్రాన్ని వీక్షించే అవకాశం పొందనున్నారు.