స్టేట్ బ్యాంక్ ఆఫ్ ఇండియా (SBI) ఖాతాదారులకు ముఖ్యమైన ప్రకటన చేసింది. సాంకేతిక నిర్వహణ పనుల కారణంగా సెప్టెంబర్ 4వ తేదీ అర్థరాత్రి SBI ఖాతా ఆధారిత UPI సేవలు తాత్కాలికంగా నిలిచిపోనున్నాయి. ఈ సమయంలో ఖాతాదారులు UPI లావాదేవీలు నిర్వహించలేరు.
సెప్టెంబర్ 4వ తేదీ రాత్రి 12:15 గంటల నుంచి 1 గంట వరకు మొత్తం 45 నిమిషాల పాటు SBI అకౌంట్ ఆధారిత UPI సేవలు అందుబాటులో ఉండవు. ఫోన్పే, గూగుల్ పే, పేటీఎం వంటి UPI యాప్ల ద్వారా SBI ఖాతా నుంచి చేసే లావాదేవీలపై కూడా ఈ అంతరాయం ప్రభావం చూపనుంది.
షెడ్యూల్ చేసిన సాంకేతిక నిర్వహణ పనులను పూర్తి చేయడంలో భాగంగానే ఈ తాత్కాలిక అంతరాయం ఏర్పడుతుందని SBI వెల్లడించింది. ఈ సమయంలో అత్యవసర UPI లావాదేవీలు చేయాల్సిన ఖాతాదారులు ప్రత్యామ్నాయ చెల్లింపు మార్గాలను సిద్ధంగా ఉంచుకోవాలని సూచించింది.