సాహో.. మరో విజువల్ ట్రీట్ !
బాహుబలి’తో యంగ్ రెబల్ స్టార్ ప్రభాస్ రేంజ్ పెరిగిపోయింది. ఇంటర్నేషనల్ స్టార్ అయిపోయాడు. బాహుబలి విజువల్ ట్రీట్ ప్రేక్షకులని ఫిదా చేసింది. ఇప్పుడు ప్రభాస్ తాజా చిత్రం ‘సాహో’ కూడా మరో విజువల్ ట్రీట్ అని ప్రభాస్ క్లారిటీ ఇచ్చేశాడు. దీంతో ఆయన అభిమానులు మురిసిపోతున్నారు. మరోసారి బాహుబలి రేంజ్ సినిమా చూడొచ్చని సంబరపడిపోతున్నారు.
ఇటీవలే ప్రభాస్ ఓ ప్రముఖ మాగ్జైన్ ఇచ్చిన ఇంటర్య్వూలో ‘సాహో’ సినిమా విశేషాలని ప్రేక్షకులతో పంచుకొన్నారు. ‘సాహోలో కథ చాలా కీలకం. కానీ, అంతకు మించి ప్రేక్షకులకు విజువల్ ట్రీట్ అందించబోతున్నాం. ఇది ఒక నవల తరహాలో సాగే యాక్షన్‌ డ్రామా’ అని చెప్పాడు ప్రభాస్. సుజీత్ దర్శకత్వంలో ‘సాహో’ తెరకెక్కుతోంది. ప్రభాస్ సరసన బాలీవుడ్ హీరోయిన్ శ్రద్దా కపూర్ జతకట్టనుంది.