‘బాహుబలి’లో యంగ్ రెబల్ స్టార్ ప్రభాస్ నటనకు హాలీవుడ్ హీరోలు కూడా ఫిదా అయిపోయినట్టు తెలుస్తోంది. ‘బ్లాక్ పాంథర్’ సినిమాలో ఎంబాకు రోల్ ప్లే చేసిన స్టార్ హీరో విన్ స్టన్ డ్యూక్ ప్రబాస్ కు అభిమాని అయిపోయాడు. లైవ్ విత్ కెల్లీ అండ్ రియాన్ షోలో పాల్గొన్న డ్యూక్ ప్రభాస్‌కు తాను అభిమానినని తెలపడం విశేషం. అంతేకాదు.. తన ఇన్‌స్టాగ్రామ్‌లో ‘బాహుబలి’ సినిమా పోస్టర్లు పోస్ట్ చేసి ప్రభాస్ పై తనకున్న అభిమానాన్ని చాటుకున్నాడు. ‘బాహుబలి’ అధికార ట్విట్టర్ అకౌంట్ డ్యూక్ ఇన్ స్టాగ్రామ్ స్టోరీస్ ను స్క్రీన్‌షాట్ తీసి పోస్ట్ చేసింది. ఇప్పుడీ పోస్ట్ ని చూసి ప్రభాస్ ఫ్యాన్స్ మురిసిపోతున్నారు.

ఇక, బాహుబలి తర్వాత ప్రభాస్ ‘సాహో’ సినిమాలో నటిస్తున్న సంగతి తెలిసిందే. ఈ యాక్షన్ థ్రిల్లర్ ప్రస్తుతం షూటింగ్ దశలో ఉంది. తెలుగు, తమిళ్, మలయాళం, హిందీ బాషల్లో రిలీజ్ కానున్న ‘సాహో’ సినిమా భారీ బడ్జెట్ తో తెరకెక్కిస్తున్నారు. ఇందులోనూ యాక్షన్ అదిరిపోతుందని చెబుతున్నారు. సినిమా ప్రభాస్ సరసన బాలీవుడ్ హీరోయిన్ శ్రద్దా కపూర్ జతకట్టనుంది. యూవీ క్రియేషన్స్ ‘సాహో’ని నిర్మిస్తోంది.