సచిన్‌ కు విరాట్‌ కోహ్లి కృతజ్ఞతలు
క్రికెట్‌ దిగ్గజం సచిన్‌ టెండూల్కర్‌కు విరాట్‌ కోహ్లి కృతజ్ఞతలు తెలిపాడు. టైమ్స్‌ మేగజైన్‌ విడుదల చేసే ‘100 మంది అత్యంత ప్రభావశీలుర జాబితా’లో కోహ్లి చోటు దక్కించుకున్న విషయం తెలిసిందే. ఈ జాబితాలో చోటు దక్కించుకున్న వారి ప్రొఫైల్స్‌ను ఆయా రంగాల్లోని ప్రముఖులు రాస్తుంటారు. ఈ నేపథ్యంలో విరాట్‌ కోహ్లి ప్రొఫైల్‌ను మాస్టర్‌బ్లాస్టర్‌ సచిన్‌ టెండూల్కర్‌ రాశారు. పరుగుల సాధించాలన్న కసి, ఆటలో నిలకడ ప్రదర్శించడం విరాట్‌ గొప్పదనమని పేర్కొన్నాడు. భారత్‌కు ఎన్నో పేరు ప్రఖ్యాతుల్ని అందించాలి. గో విరాట్‌..! అంటూ ప్రొఫైల్‌కు ముగింపునిచ్చాడు సచిన్‌.