భారత ప్రధాని మోదీకి బీబీసీ క్షమాపణలు
భారత ప్రధాని నరేంద్రమోదీకి బీబీసీ శుక్రవారం క్షమాపణలు చెప్పింది. ‘చోగం’ సమావేశంలో పాల్గొనడానికి వచ్చిన శ్రీలంక అధ్యక్షుడు మైత్రిపాల సిరిసేనను మోదీగా పేర్కొంటూ వార్తలు ప్రత్యక్ష ప్రసారం చేసినందుకు విచారం వ్యక్తం చేసింది. యాంకర్‌కు తప్పుడు సమాచారం ఇవ్వడంతో జరిగిన పొరపాటుకు చింతిస్తున్నామని తెలిపింది. బకింగ్‌హామ్‌ ప్యాలెస్‌లో రాణి ఎలిజబెత్‌-2 ఇచ్చిన ఆతిధ్యానికి వెళ్ళిన మైత్రిపాలను చూపిస్తూ ‘మే 14 నుంచి భారత ప్రధానిగా ఉన్న మోదీని చూడండి’ అంటూ యాంకర్‌ వార్తలు చదివారు.