రవితేజ హీరోగా శివ నిర్వాణ దర్శకత్వంలో తెరకెక్కుతున్న ‘ఇరుముడి’ సినిమాపై ప్రేక్షకుల్లో భారీ అంచనాలు నెలకొన్నాయి. మైత్రీ మూవీ మేకర్స్ ప్రతిష్ఠాత్మకంగా నిర్మిస్తున్న ఈ సినిమా ఆగస్టు 21న ప్రేక్షకుల ముందుకు రానుంది. ఫస్ట్ లుక్ విడుదలైనప్పటి నుంచి సినిమాకు సంబంధించిన పలు అంశాలు సోషల్ మీడియాలో చర్చనీయాంశంగా మారుతున్నాయి.
ముఖ్యంగా ‘మల్లెపూల పల్లకి’ పాటను సినిమాలో చేర్చాలని అభిమానులు, నెటిజన్లు సోషల్ మీడియా వేదికగా చిత్ర బృందాన్ని కోరారు. ఫస్ట్ లుక్ వచ్చినప్పటి నుంచే ఈ పాట ఉంటే మరింత బాగుంటుందని పలువురు తమ అభిప్రాయాలను వ్యక్తం చేశారు. దీంతో ఈ సాంగ్పై ప్రేక్షకుల్లో ఆసక్తి మరింత పెరిగింది.
అయితే సోషల్ మీడియాలో వచ్చిన విజ్ఞప్తుల తర్వాత తాము ఈ పాటను పెట్టాలని నిర్ణయించలేదని దర్శకుడు శివ నిర్వాణ తెలిపారు. ప్రేక్షకుల నుంచి స్పందన రావడానికి ముందే ‘మల్లెపూల పల్లకి’ పాటను సినిమాలో భాగం చేయాలని తాము అనుకున్నామని ఆయన వెల్లడించారు. దీంతో ఈ పాట సినిమాలో ఎలా ఉండబోతోందనే ఆసక్తి అభిమానుల్లో మరింత పెరిగింది.