ఐబొమ్మ (iBomma) పైరసీ వెబ్సైట్ నిర్వాహకుడు ఇమ్మడి రవి మొదటి రోజు పోలీసుల విచారణ ముగిసింది. బషీర్బాగ్లోని సైబర్ క్రైమ్ పోలీస్ స్టేషన్లో పోలీసులు రవిని సుమారు ఆరు గంటల పాటు ప్రశ్నించారు. వేలాది సినిమాలను పైరసీ చేసిన రవిని వారం రోజులు కస్టడీకి ఇవ్వాలని పోలీసులు కోరగా, నాంపల్లి కోర్టు ఐదు రోజుల కస్టడీకి అనుమతి ఇచ్చింది. విచారణలో భాగంగా పోలీసులు అతని బ్యాంకు లావాదేవీలు, నెట్వర్క్, ఇంటర్నెట్ సోర్సులపై ప్రధానంగా ఆరా తీశారు.
ఇంది రవిపై పోలీసులు ఫారెనర్స్ యాక్ట్ సెక్షన్ను కూడా చేర్చారు. విచారణలో ఎన్ఆర్ఈ (NRE), క్రిప్టో కరెన్సీ, వ్యాలెట్లు, బ్యాంకు ఖాతాల ద్వారా జరిగిన ఆర్థిక లావాదేవీలపై ప్రశ్నించారు. ఐ-బొమ్మ తిరిగి యాక్టివేట్ కావడం (iBomma One)పైనా, 65 మిర్రర్ ఆపరేటర్ల వివరాలపైనా పోలీసులు కూపీ లాగారు. ఐ-బొమ్మ వెబ్సైట్ను నిర్వహించేందుకు నిందితుడు పలు అడ్రస్లు మార్చినట్లు విచారణలో గుర్తించారు.
అయితే, ఈ విచారణలో ఆసక్తికర విషయం ఏమిటంటే, రవి మొబైల్లో పోలీసులకు ఎలాంటి నేర సంబంధిత సమాచారం లభించలేదు. అతని మొబైల్లో కేవలం ఫుడ్ డెలివరీ యాప్స్ను మాత్రమే అతను ఉంచాడు. దీంతో, పోలీసులు అతని పైరసీ నెట్వర్క్, ఐపీ అడ్రస్ సర్వర్ల వివరాలను రాబట్టడానికి రవిని మరో నాలుగు రోజులు సైబర్ క్రైమ్ పోలీసులు ప్రశ్నించనున్నారు.