మ‌హారాష్ట్ర ఎన్నిక‌ల్లో మ‌హాయుతి కూట‌మి విజ‌యం సాధించింది. మొత్తం 288 స్థానాల‌కు 224 స్థానాల్లో గెలిచి సీఎం సీటును కైవ‌సం చేసుకుంది. ఈ నేప‌థ్యంలో మ‌హాయుతిలోని పార్టీల నేత‌లు విజ‌యంపై స్పందిస్తున్నారు. ఇప్ప‌టికే బీజేపీ నేత, కేంద్ర హోం మంత్రి స్పందించ‌గా తాజాగా సోష‌ల్ మీడియా వేధిక‌గా ప్ర‌ధాని మోడీ స్పందించారు. అభివృద్ధి, సుప‌రిపాల‌న గెలిచాయని మోడీ అభిప్రాయ‌ప‌డ్డారు. క‌లిసి క‌ట్టుగా మ‌రిన్ని ఉన్న‌త శిఖ‌రాల‌ను అధిరోహించగ‌ల‌మ‌ని పేర్కొన్నారు.
చ‌రిత్రాత్మ‌క విజ‌యాన్ని అందించిన మ‌హారాష్ట్ర ఓట‌ర్లు ముఖ్యంగా మ‌హిళ‌లు, యువ‌త‌కు ప్ర‌త్యేక ధ‌న్యవాదాలు తెలిపారు. మ‌హారాష్ట్ర అభ్య‌న్న‌తిని మ‌హాయుతి కృషి చేస్తుస్తుంద‌ని ప్ర‌జ‌ల‌కు హామీ ఇచ్చారు. ఇదిలా ఉంటే మ‌హారాష్ట్ర ఎన్నిక‌ల విజ‌యంతో బీజేపీలో మ‌రింత జోష్ పెరిగింది. ఆ పార్టీ నాయ‌కులు సంబురాల్లో మునిగితేలుతున్నారు. కేవ‌లం ఆ రాష్ట్రంలోనే కాకుండా ఇత‌ర రాష్ట్రాల్లోనూ బీజేపీ నాయ‌కులు కార్యాల‌యాల్లో సంబురాలు జ‌రుపుకుంటున్నారు. మ‌రికొద్దిసేప‌ట్లో బీజేపీ ఢిల్లీలో విజ‌యోత్స‌వ ర్యాలీ నిర్వ‌హిస్తోంది. ఈ విజ‌యోత్స‌వ ర్యాలీలో ప్ర‌ధానీ మోడీ సైతం పాల్ప‌న‌నున్నారు.