రోజురోజుకూ పైపైకి ఎగబాకుతూ సామాన్యుడికే కాదు.. మధ్యతరగతి ప్రజలకు కూడా అందనంత స్థాయికి చేరుతున్న బంగారం ధరలు తాజాగా స్వల్పంగా తగ్గాయి. ఆగస్టు 25, 2026న దేశంలో 24 క్యారెట్ బంగారం ధర గ్రాముకు రూ.16,375గా నమోదైంది. 22 క్యారెట్ బంగారం గ్రాముకు రూ.15,010, 18 క్యారెట్ బంగారం గ్రాముకు రూ.12,281గా ఉంది. ఆగస్టు 24తో పోలిస్తే 24 క్యారెట్ బంగారం 10 గ్రాములకు రూ.220, 22 క్యారెట్ రూ.200, 18 క్యారెట్ రూ.120 మేర తగ్గాయి. అంతర్జాతీయ మార్కెట్లలో పరిణామాలు, మధ్యప్రాచ్యంలో కొనసాగుతున్న ఉద్రిక్తతల ప్రభావంతో బంగారం, వెండి ధరల్లో రోజువారీ హెచ్చుతగ్గులు కొనసాగుతున్నాయి.
ఇక నగరాల వారీగా బంగారం ధరలను పరిశీలిస్తే.. చెన్నైలో 24 క్యారెట్ బంగారం గ్రాముకు రూ.16,398, 22 క్యారెట్ రూ.15,031, 18 క్యారెట్ రూ.12,801గా ఉంది. ఢిల్లీలో 24 క్యారెట్ రూ.16,390, 22 క్యారెట్ రూ.15,025, 18 క్యారెట్ రూ.12,296గా నమోదైంది. ముంబై, కోల్కతా, బెంగళూరు, హైదరాబాద్, పుణెల్లో 24 క్యారెట్ బంగారం గ్రాముకు రూ.16,375, 22 క్యారెట్ రూ.15,010, 18 క్యారెట్ రూ.12,281గా ఉంది.
వడోదర, అహ్మదాబాద్ నగరాల్లో 24 క్యారెట్ బంగారం గ్రాముకు రూ.16,380, 22 క్యారెట్ రూ.15,015, 18 క్యారెట్ రూ.12,286గా నమోదైంది. అయితే నగరాన్ని బట్టి ధరల్లో స్వల్ప తేడాలు ఉండొచ్చు. అంతేకాకుండా ఆభరణాలు కొనుగోలు చేసే సమయంలో మేకింగ్ ఛార్జీలు, జీఎస్టీ వంటి అదనపు ఖర్చులు కలిసే అవకాశం ఉంటుంది. కాబట్టి నగల కొనుగోలు ముందు స్థానికంగా అమలులో ఉన్న ధరలు, అదనపు ఛార్జీలను తప్పనిసరిగా పరిశీలించడం మంచిది.