జంతర్ మంతర్ వద్ద క్లైమేట్ యాక్టివిస్ట్ సోనమ్ వాంగ్చుక్ చేపట్టిన ఆమరణ నిరాహార దీక్ష 18వ రోజుకు చేరుకుంది. నీట్ (NEET) పేపర్ లీకేజీ వ్యవహారంలో కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలని డిమాండ్ చేస్తూ కాక్రోచ్ జనతా పార్టీ (CJP) ఆధ్వర్యంలో జూన్ 28 నుంచి ఈ నిరసన కొనసాగుతోంది.
ఈ నేపథ్యంలో నిరసన స్థలం వద్ద జరిగిన మరో ఘటన సోషల్ మీడియాలో తీవ్ర చర్చకు దారితీసింది. ఒకవైపు సోనమ్ వాంగ్చుక్ నిరాహార దీక్ష కొనసాగిస్తుండగా, అదే ప్రాంతంలో ఓ ఫుడ్ వ్లాగర్ వీడియో చిత్రీకరించి ఆహార పదార్థాలను పరిచయం చేసిన వీడియో వైరల్గా మారింది.
ఈ వీడియోపై నెటిజన్లు భిన్నాభిప్రాయాలు వ్యక్తం చేస్తున్నారు. కొందరు నిరసన స్థలంలో అలాంటి కంటెంట్ తీయడం సరికాదని విమర్శిస్తుండగా, మరికొందరు అది వ్యక్తిగత వృత్తిలో భాగమేనని అభిప్రాయపడుతున్నారు. దీంతో ఈ ఘటన ప్రస్తుతం సోషల్ మీడియాలో హాట్ టాపిక్గా మారింది.