టాలీవుడ్ లో చాలా కాలంగా సరైన హిట్ కోసం వెయిట్ చేస్తున్న హీరోల్లో విజయ్ దేవరకొండ ఒకరు.’లైగర్’ .. ‘ఖుషీ’ వంటి సినిమాలు ఆయనతో పాటు ఆయన అభిమానులను కూడా నిరాశ పరిచాయి. ఈ సినిమాలకి ముందు కూడా విజయ్ దేవరకొండ జాబితాలో ఉన్నవి పరాజయాలే. ఈ నేపథ్యంలో ఆయున నుంచి ప్రేక్షకుల ముందుకు రావడానికి ‘ఫ్యామిలీ స్టార్’ రెడీ అవుతోంది.
ఈ సినిమాను దిల్ రాజు నిర్మించారు. పరశురామ్ దర్శకత్వం వహించిన ఈ సినిమాలో, విజయ్ దేవరకొండ సరసన నాయికగా మృణాల్ ఠాకూర్ అలరించనుంది. ఈ సినిమాను మార్చి 22వ తేదీన విడుదల చేయాలనుకున్నారు. అయితే ఇప్పుడు ఈ సినిమాను ఏప్రిల్ మొదటి వారంలో రిలీజ్ చేయాలనే నిర్ణయానికి దిల్ రాజు వచ్చినట్టుగా సమాచారం.
నిజానికి ఏప్రిల్ 5వ తేదీన ఎన్టీఆర్ ‘దేవర’ సినిమా విడుదల కానుంది. అయితే కొన్ని కారణాల వలన ఈ సినిమా రిలీజ్ డేట్ వాయిదా పడే ఛాన్స్ ఉందనే టాక్ వినిపిస్తోంది. అదే జరిగితే ఆ డేట్ లో ‘ఫ్యామిలీ స్టార్’ను వదలడానికి దిల్ రాజు ప్లాన్ చేస్తున్నాడని అంటున్నారు.