మాస్ మహారాజా రవితేజ, క్లాస్ ఎమోషన్స్ను అద్భుతంగా తెరకెక్కించే దర్శకుడు శివ నిర్వాణ కాంబినేషన్లో తెరకెక్కిన భావోద్వేగ భక్తిరస చిత్రం ‘ఇరుముడి’ బాక్సాఫీస్ వద్ద దూసుకుపోతోంది. మైత్రీ మూవీ మేకర్స్ అత్యంత ప్రతిష్టాత్మకంగా నిర్మించిన ఈ సినిమా విడుదలైన తొలి రోజు నుంచే ప్రేక్షకుల నుంచి విశేష ఆదరణ అందుకుంటోంది.
రవితేజ మార్క్ ఎనర్జీకి తోడు శివ నిర్వాణ మార్క్ ఎమోషన్స్ సినిమాకు ప్రధాన బలంగా నిలిచాయని ప్రేక్షకులు చెబుతున్నారు. ముఖ్యంగా కుటుంబ ప్రేక్షకులను కట్టిపడేసే భావోద్వేగ సన్నివేశాలు సినిమాకు మంచి రెస్పాన్స్ తీసుకొస్తున్నాయి. భక్తిరసం, కుటుంబ భావోద్వేగాలను కలగలిపిన తీరు ప్రేక్షకులను ఆకట్టుకుంటోంది.
ఇప్పటికే థియేటర్లలో ‘ఇరుముడి’కి మంచి స్పందన లభిస్తుండటంతో బాక్సాఫీస్ వద్ద వసూళ్లు మరింత పెరుగుతున్నట్లు తెలుస్తోంది. రవితేజ అభిమానులతో పాటు ఫ్యామిలీ ఆడియన్స్ కూడా సినిమాకు క్యూ కడుతుండటంతో ఈ చిత్రం రికార్డు వసూళ్ల దిశగా దూసుకెళ్తోంది. రానున్న రోజుల్లో ‘ఇరుముడి’ మరిన్ని రికార్డులు సాధిస్తుందా అనేది ఆసక్తికరంగా మారింది.