టాలీవుడ్ నటి, యాంకర్ అనసూయ భరద్వాజ్ ఇటీవల చేసిన ‘జై శ్రీరామ్’ వ్యాఖ్యలు సోషల్ మీడియాలో తీవ్ర చర్చకు దారితీశాయి. సోషల్ మీడియాలో తనపై అసభ్యకర వ్యాఖ్యలు చేసే వారిని ఉద్దేశించి మాట్లాడే క్రమంలో ఆమె ‘జై శ్రీరామ్’ అనే పదాన్ని ఉపయోగించడంపై పలువురు నెటిజన్లు, హిందూ బంధువులు తీవ్ర అభ్యంతరం వ్యక్తం చేశారు. ఆమె వ్యాఖ్యలు హిందూ ధర్మాన్ని కించపరిచేలా ఉన్నాయంటూ విమర్శలు వెల్లువెత్తాయి.
ఈ వివాదంపై అనసూయ ఇన్స్టాగ్రామ్ వేదికగా స్పందించారు. తన మాటలను కావాలనే వక్రీకరించారని, తాను ఎవరి మనోభావాలను దెబ్బతీయాలనే ఉద్దేశంతో ఆ వ్యాఖ్యలు చేయలేదని వివరణ ఇచ్చే ప్రయత్నం చేశారు. అయితే ఆమె వివరణ తర్వాత కూడా సోషల్ మీడియాలో ఈ అంశంపై చర్చ కొనసాగింది.
తాజాగా ఈ వివాదంపై సీనియర్ నటి హేమ స్పందించారు. సోషల్ మీడియా వేదికగా ఓ వీడియోను విడుదల చేసిన ఆమె.. అనసూయ వ్యాఖ్యలు, వ్యవహరించిన తీరుపై తీవ్రంగా స్పందించినట్లు తెలుస్తోంది. ఈ సందర్భంగా హేమ చేసిన వ్యాఖ్యలు ఇప్పుడు టాలీవుడ్ వర్గాల్లో హాట్ టాపిక్గా మారాయి. ఈ వివాదంపై నెటిజన్ల మధ్య కూడా భిన్నాభిప్రాయాలు వ్యక్తమవుతున్నాయి.