వనస్థలిపురం ఏ టైప్ క్వార్టర్స్ సమీపంలోని వనస్థలి స్కేటింగ్ రింక్ (చెఫ్ క్వెస్ట్) వేదికగా నిర్వహించిన రోలర్ అండ్ ఇన్లైన్ హాకీ 2వ ఇండిపెండెన్స్ కప్-2026 పోటీలు ఘనంగా ముగిశాయి. పలు విభాగాల్లో క్రీడాకారులు ఉత్సాహంగా పాల్గొని తమ ప్రతిభను ప్రదర్శించారు.
పోటీల సందర్భంగా క్రీడాకారుల మధ్య హోరాహోరీ పోరు నెలకొంది. విజయం కోసం ప్రతి జట్టు క్రీడా స్ఫూర్తితో పోరాడగా, ప్రేక్షకులు క్రీడాకారులను ఉత్సాహపరిచారు. రోలర్ స్కేటింగ్, ఇన్లైన్ హాకీ క్రీడల్లో యువతలో ఆసక్తిని పెంచేలా ఈ పోటీలు సాగాయి.
ముగింపు కార్యక్రమం క్రీడాకారుల సందడి, ఉత్సాహంతో ఆకట్టుకుంది. విజేతలకు నిర్వాహకులు అభినందనలు తెలిపారు. భవిష్యత్తులోనూ ఇలాంటి పోటీలు నిర్వహిస్తూ ప్రతిభావంతులైన క్రీడాకారులను ప్రోత్సహిస్తామని నిర్వాహకులు పేర్కొన్నారు.