తెలుగు సినీ పరిశ్రమకు మరోసారి జాతీయ స్థాయిలో అరుదైన గౌరవం లభించింది. ప్రతిష్టాత్మక 72వ జాతీయ చలనచిత్ర అవార్డుల్లో ఉత్తమ ప్రాంతీయ తెలుగు చిత్రంగా ‘కమిటీ కుర్రాళ్లు’ ఎంపికై జాతీయ అవార్డును కైవసం చేసుకుంది. ఈ ఘనతతో తెలుగు సినిమా మరోసారి జాతీయ వేదికపై తన ప్రత్యేకతను చాటుకుంది.
మెగా డాటర్ నిహారిక కొణిదెల సమర్పణలో, పింక్ ఎలిఫెంట్ పిక్చర్స్, శ్రీ రాధా దామోదర్ స్టూడియోస్ బ్యానర్లపై యువ దర్శకుడు యదు వంశీ ఈ చిత్రాన్ని తెరకెక్కించారు. పల్లెటూరి జీవనం, స్నేహబంధం, సామాజిక అంశాలను హృద్యంగా ఆవిష్కరించిన ఈ సినిమా జాతీయ జ్యూరీని విశేషంగా ఆకట్టుకుంది.
2024లో విడుదలైన ఈ చిత్రానికి జాతీయ అవార్డు రావడంతో చిత్రబృందంపై సినీ ప్రముఖులు, అభిమానులు ప్రశంసలు కురిపిస్తున్నారు. కంటెంట్కు ప్రాధాన్యం ఇచ్చిన తెలుగు సినిమాలకు జాతీయ స్థాయిలో మరోసారి గుర్తింపు లభించడంపై టాలీవుడ్ వర్గాలు హర్షం వ్యక్తం చేస్తున్నాయి.