టీపీసీసీ అధ్యక్షుడు రేవంత్ రెడ్డికి కొనుగోళ్లు చేయడం అలవాటేనని మంత్రి కేటీఆర్ విమర్శించారు. శనివారం ఆయన కామారెడ్డి జిల్లా బిక్కనూరు ప్రచారంలో మాట్లాడుతూ.. రైతులకు 3 గంటల విద్యుత్ చాలని కాంగ్రెస్ పార్టీ చెబుతోందని, అలాంటి పార్టీని గెలిపిస్తే అంతే సంగతులు అన్నారు. ఇందిరమ్మ రాజ్యం అంటే ఎన్కౌంటర్లు, అరాచకాల పాలన తీసుకు వస్తారా? అని ఫైర్ అయ్యారు. మూడోసారి బీఆర్ఎస్ అధికారంలోకి రావడం పక్కా అని ధీమా వ్యక్తం చేశారు.