తెలంగాణ రాష్ట్రం ప్రజల త్యాగాల వల్ల ఏర్పడిందని కాంగ్రెస్ నాయకురాలు ప్రియాంక గాంధీ అన్నారు. జనగామ జిల్లా, పాలకుర్తిలో శుక్రవారం జరిగిన సభలో ఆమె మాట్లాడారు. “త్యాగాల మీద ఏర్పాటైన రాష్ట్రం అభివృద్ధి చెందాలని భావించాం. పోరాడి తెచ్చుకున్న తెలంగాణలో అందరి ఆకాంక్షలు నెరవేరాలి. ప్రాణత్యాగం చేసిన అమరుల ఆకాంక్షలు నెరవేరాయో లేదో ఆలోచించాలి. మార్పు రావాలి-కాంగ్రెస్ రావాలి.” అని ప్రియాంక పేర్కొన్నారు.