అమెరికా-కెనడా సరిహద్దుల్లోని నయాగరా జలపాతం సమీపంలో భారీ పేలుడు సంభవించింది. జలపాతం సమీపంలోని రెయిన్ బ్రిడ్జి వద్ద ఓ కారులో భారీ పేలుడు సంభవించిందని నయాగరా ఫాల్స్ మేయర్ కార్యాలయం వెల్లడించింది. ఈ ప్రమాదంలో ఇద్దరు వ్యక్తులు మరణించారు. ఇరు దేశాల సరిహద్దులో ప్రమాదం జరగడంతో అధికారులు సరిహద్దులను మూసివేశారు. ఈ ఘటన పై ఎఫ్బీఐ జాయింట్ టెర్రరిజమ్ టాస్క్ఫోర్స్ దర్యాప్తు చేస్తున్నదని న్యూయార్క్ గవర్నర్ తెలిపారు.