తెలంగాణలో మహిళా ఓటర్లు ఎక్కువగా ఉన్నారని రాష్ట్ర ఎన్నికల కమిషన్ అధికారి వికాస్‌రాజ్‌ తెలిపారు. హైదరాబాద్ లో మీడియా సమావేశంలో ఆయన మాట్లాడుతూ .రాష్ట్ర వ్యాప్తంగా ఎన్నికల కోసం 36 వేల ఈవీఎంలను సిద్ధం చేశాం. పోలింగ్‌ ఏర్పాట్లు చేస్తున్నామని, ఓటర్‌ ఐడీ కార్డులు పంపిణీ చేస్తున్నామని అన్నారు. రాష్ట్రస్థాయిలో ముగ్గురు అబ్జర్వర్లు ఉన్నారని, ప్రతి కౌంటింగ్ సెంటర్‌కు ఒక అబ్జర్వరు ఉంటారు. తొలిసారి హోమ్ ఓటింగ్‌ నిర్వహిస్తున్నాం. 80 ఏళ్లకు పైబడిన వృద్ధులు, దివ్యాంగులు, అత్యవసర విధులు నిర్వహించేవారు హోమ్ ఓటింగ్‌ను వినియోగించుకోవచ్చు అని సీఈవో వికాస్‌రాజ్‌ తెలిపారు.