నటసింహం నందమూరి బాలకృష్ణ మరియు మాస్ డైరెక్టర్ బోయపాటి శ్రీను కాంబినేషన్లో వచ్చిన ‘అఖండ 2’ చిత్రం బాక్సాఫీస్ వద్ద కలెక్షన్ల సునామీ సృష్టిస్తోంది. భారీ అంచనాల మధ్య ప్రపంచవ్యాప్తంగా విడుదలైన ఈ సినిమా, తొలిరోజే రూ. 59.5 కోట్లు గ్రాస్ వసూలు చేసి సరికొత్త రికార్డు నెలకొల్పింది. ప్రీమియర్ షోలతో కలిపి ఈ మొత్తం వసూలైనట్లు చిత్ర నిర్మాణ సంస్థ 14 రీల్స్ ప్లస్ అధికారికంగా ప్రకటించింది.
ఈ భారీ వసూళ్లతో ‘అఖండ 2’, బాలకృష్ణ తన కెరీర్లోనే అత్యధిక ఫస్ట్ డే కలెక్షన్స్ సాధించిన చిత్రంగా నిలిచింది. 2021లో విడుదలై సంచలనం సృష్టించిన ‘అఖండ’ చిత్రానికి సీక్వెల్గా ఈ సినిమా తెరకెక్కింది. ఫ్యాంటసీ యాక్షన్ థ్రిల్లర్గా రూపొందిన ఈ చిత్రానికి తొలి రోజు నుంచే అద్భుతమైన స్పందన లభిస్తోంది.
బాలకృష్ణ పవర్ఫుల్ నటన, బోయపాటి శ్రీను మాస్ టేకింగ్కు అభిమానులు ఫిదా అవుతున్నారు. వీరిద్దరి కలయికలో వచ్చిన సినిమా కావడంతో విడుదల ముందు నుంచే భారీ అంచనాలు నెలకొనగా, ఆ అంచనాలకు తగ్గట్టుగానే ఈ చిత్రం రికార్డు వసూళ్లు సాధించడం విశేషం. ఈ కలెక్షన్ల సునామీతో ఈ సినిమా బాక్సాఫీస్ వద్ద ప్రభంజనం సృష్టిస్తోంది.