తిరుపతి సమీపంలోని దామినేడులో ఉన్న ఇందిరమ్మ గృహ సముదాయంలో మూడు మృతదేహాలు కుళ్లిపోయిన స్థితిలో లభ్యం కావడం స్థానికంగా కలకలం సృష్టించింది. మృతులను తమిళనాడుకు చెందిన సత్యరాజ్ (30), ఆయనతో వివాహేతర సంబంధం ఉన్న పొన్నాగుట్టె నాయగి (30) మరియు ఆమె మూడేళ్ల కుమారుడిగా పోలీసులు గుర్తించారు. దాదాపు వారం రోజులుగా ఇంట్లో నుంచి దుర్వాసన వస్తుండటంతో స్థానికులు పోలీసులకు సమాచారం అందించారు.
పోలీసులు తెలిపిన వివరాల ప్రకారం, తమిళనాడు గుడియాత్తంకు చెందిన సత్యరాజ్ మరియు పొన్నాగుట్టె నాయగి మూడు నెలల క్రితం దామినేడుకు వచ్చి అద్దెకు ఉంటున్నారు. ఈనెల 22వ తేదీ నుంచి వీరిద్దరూ, ఆమె కుమారుడు బయట కనిపించలేదు. ఇంట్లో తలుపులు తెరిచి చూడగా, సత్యరాజ్ మృతదేహం ఉరికి వేలాడుతూ ఉండగా, పొన్నాగుట్టె మరియు ఆమె కుమారుడి మృతదేహాలు గదిలోని బాత్రూమ్ వద్ద కింద పడి ఉన్నాయి.
ఘటనా స్థలంలో విషం సీసా లభ్యం కావడంతో ఇది ఆత్మహత్యగా పోలీసులు ప్రాథమికంగా అనుమానిస్తున్నారు. అయితే, ముందుగా పొన్నాగుట్టె, ఆమె కుమారుడు విషం తాగి మరణించి, ఆ తర్వాత సత్యరాజ్ ఉరి వేసుకున్నాడా? లేక సత్యరాజ్ ముందుగా వారిద్దరినీ హత్య చేసి, ఆ తర్వాత ఆత్మహత్యకు పాల్పడి ఉంటాడా? అనే కోణంలోనూ పోలీసులు కేసు నమోదు చేసి పలు కోణాల్లో దర్యాప్తు చేస్తున్నారు.