యంగ్ హీరో రామ్ పోతినేని తన కొత్త చిత్రం ‘ఆంధ్ర కింగ్ తాలూకా’ ప్రమోషన్లలో భాగంగా, హీరోయిన్ భాగ్యశ్రీ బోర్సేతో డేటింగ్ రూమర్లపై స్పష్టత ఇచ్చారు. పి. మహేశ్బాబు దర్శకత్వంలో తెరకెక్కిన ఈ సినిమా నవంబర్ 27న విడుదల కానుంది. సినిమా షూటింగ్ మొదలైనప్పటి నుంచి వీరిద్దరూ డేటింగ్లో ఉన్నారంటూ వస్తున్న ప్రచారంపై రామ్ స్పందిస్తూ, “ఈ సినిమా కోసం నేను ఓ ప్రేమ గీతం రాశాను. అప్పటినుంచే ఈ రూమర్స్ మొదలయ్యాయి” అని వివరించారు.
“మనసులో ఏమీ లేకుండా అంత గొప్పగా పాట ఎలా రాస్తారని చాలా మంది అనుకున్నారు. కానీ నేను కేవలం సినిమాలోని పాత్రలను ఊహించుకొని ఆ పాట రాశాను. ఆ సమయానికి హీరోయిన్ను కూడా ఫైనల్ చేయలేదు” అని రామ్ స్పష్టం చేశారు. ఈ సందర్భంగా, తన గత చిత్రం ‘డబుల్ ఇస్మార్ట్’ వైఫల్యం గురించి కూడా రామ్ మాట్లాడారు. ఆ చిత్రంలో మంచి భావోద్వేగాలు ఉన్నప్పటికీ, ప్రేక్షకులు వాటికి కనెక్ట్ కాలేదని, అందుకే ఆశించిన ఫలితం రాలేదని ఆయన అంగీకరించారు.
ఇదే ఇంటర్వ్యూలో, రామ్ పోతినేని సూపర్స్టార్ రజనీకాంత్పై తనకున్న అభిమానాన్ని పంచుకున్నారు. చిన్నప్పటి నుంచి చెన్నైలో పెరగడం వల్ల ఆయన సినిమాలన్నీ చూసేవాడినని, ముఖ్యంగా ‘బాషా’ సినిమా 100వ రోజు థియేటర్లో అభిమానుల సంబరాలు చూసి ఆశ్చర్యపోయానని గుర్తుచేసుకున్నారు. రామ్ నటిస్తున్న ‘ఆంధ్ర కింగ్ తాలూకా’ చిత్రంలో ఆయన ఒక స్టార్ హీరో అభిమాని పాత్రలో కనిపించనున్నారు.