కోల్కతా నైట్ రైడర్స్ (కేకేఆర్) ఐపీఎల్ మినీ-ఆక్షన్ 2026 కోసం రూ. 64.3 కోట్ల భారీ పర్స్తో సిద్ధంగా ఉంది. మినీ వేలానికి ముందు ఒక జట్టు ఇంత పెద్ద మొత్తాన్ని అట్టిపెట్టుకోవడం అసాధారణం. అయితే, కేకేఆర్ తీసుకున్న అత్యంత ఆశ్చర్యకరమైన నిర్ణయం ఏంటంటే, పుష్కర కాలం పాటు జట్టుకు సేవలందించిన స్టార్ ఆల్-రౌండర్ ఆండ్రీ రస్సెల్ను విడిచిపెట్టడం. రస్సెల్ ప్రైస్ రూ. 12 కోట్లు మాత్రమే ఉన్నప్పటికీ, అతని ఫామ్ తగ్గడం, వయసు పెరగడం, ఆల్-రౌండర్ ప్రదర్శన సరిగ్గా లేకపోవడం వంటి కారణాల వల్ల ఈ నిర్ణయం తీసుకున్నట్లు అంచనా. ఈ నిర్ణయం అభిమానులను, విశ్లేషకులను విస్మయానికి గురి చేసింది.
రస్సెల్ను విడుదల చేయడం ద్వారా కేకేఆర్కు విదేశీ ఆటగాళ్ల విభాగంలో పెద్ద ఖాళీ ఏర్పడింది. ప్రస్తుతం కేకేఆర్ 12 మంది ఆటగాళ్లను (10 మంది దేశీయ, ఇద్దరు విదేశీ – సునీల్ నరైన్, పావెల్) అట్టిపెట్టుకుంది. రస్సెల్ నిష్క్రమణతో ఖాళీ అయిన నెం. 5 స్థానాన్ని భర్తీ చేయడానికి కేకేఆర్ కామెరూన్ గ్రీన్ను ప్రత్యామ్నాయంగా ప్రయత్నించే అవకాశం ఉంది. గ్రీన్, అవసరమైతే ఓపెనర్గా కూడా ఆడగలడు.
కేకేఆర్ మినీ-ఆక్షన్ వ్యూహం ప్రధానంగా కీలక స్థానాలను భర్తీ చేయడంపైనే ఉంది. ఈ భారీ పర్స్ విలువతో, కేకేఆర్ ముఖ్యంగా రెండవ ఓపెనర్ (వికెట్ కీపర్), క్వాలిటీ ఆల్-రౌండర్, విదేశీ ఫాస్ట్ బౌలర్ మరియు ఒక ఎక్స్ప్లోజివ్ ఇండియన్ బ్యాట్స్మెన్ (ఇంపాక్ట్ ప్లేయర్) స్థానాలను భర్తీ చేయాలని లక్ష్యంగా పెట్టుకుంది. ఈ భారీ పర్సు వారికి కావాల్సిన ఏ స్టార్ ప్లేయర్నైనా కొనుగోలు చేసేందుకు బలాన్ని ఇస్తుంది.