తెలుగులో నేచురల్ స్టార్ నాని నిర్మించిన, ఫలక్‌నుమా దాస్ ఫేమ్ విశ్వక్ సేన్ హీరోగా నటించగా నటించిన “హిట్” సినిమా మంచి టాక్ తెచ్చుకుంది. ఈ సినిమాకు శైలేష్ కొలను దర్శకత్వం వహించారు. అయితే ఈ చిత్రాన్ని ఇప్పుడు హిందీలోకి రీమేక్ చేస్తున్నారు. బాలీవుడ్ స్టార్ రాజ్ కుమార్ రావు ఇందులో హీరోగా నటిస్తున్నారు. “మాతృక”కు దర్శకత్వం వహించిన శైలేష్ కొలను హిట్ హిందీ రీమేక్తో బాలీవుడ్లోకి అడుగుపెడుతున్నాడు. శ్రీ వెంకటేశ్వర క్రియేషన్స్, టీ సిరీస్ బ్యానర్లపై దిల్ రాజు, భూషణ్ కుమార్, కిషన్ కుమార్, కుల్దీప్ రాథోడ్లు కలిసి ఈ చిత్రాన్ని నిర్మిస్తున్నారు. హిందీలో ఈ చిత్రానికి మనన్ భరద్వాజ్ సంగీతం అందిస్తున్నారు.
అమీర్ ఖాన్ దంగల్ సినిమాతో ఎంట్రీ ఇచ్చిన సన్యా మల్హోత్రా ఈ సినిమాలో హీరోయన్గా నటిస్తున్నారు. తెలుగులో రుహాని శర్మ పోషించిన పాత్రలో సన్యా నటించనుంది. దిల్ రాజు ప్రొడక్షన్స్ ఈ విషయాన్ని అధికారికంగా వెల్లడించింది. #HIT టీమ్ లోకి సన్యా కు స్వాగతం” అని ట్వీట్ చేశారు మేకర్స్.
అలాగే హిట్ మూవీ తనకు చాలా నచ్చిందని.. ఈ సినిమా కాన్సెప్ట్ కూడా నచ్చిందని.. అందుకే ఈ మూవీ ఆఫర్ రాగానే ఓకే చెప్పినట్లుగా సన్యా చెప్పుకోచ్చింది. హీరో రాజ్ కుమార్ రావుతో కలిసి పనిచేస్తున్నందుకు సంతోషంగా ఉందని.. సినిమా కోసం ఆసక్తిగా ఎదురుచూస్తున్నానని తెలిపింది.