భారత ప్రధానమంత్రి నరేంద్ర మోదీ సహా వివిధ రాజకీయ నేతలకు బంగ్లాదేశ్‌ ప్రధాని షేక్‌ హసీనా 2600 కేజీల మామిడి పండ్లను బహుమతిగా పంపారు. బంగ్లా నుంచి ఒక ట్రక్కులో బయల్దేరిన ఈ ‘హరిబంగ’ రకం మామిడి పళ్లు.. కోల్‌కతాలోని బంగ్లా అధికారులకు చేరాయి. వీటిని మోదీతో పాటు.. రాష్ట్రపతి రామ్‌నాథ్‌ కోవింద్‌, పశ్చిమ బెంగాల్‌ ముఖ్యమంత్రి మమతా బెనర్జీ, ఇతర రాజకీయ నేతలకు పంచనున్నారు. భారత్‌తో స్నేహ సంబంధాలకు గుర్తుగా ఈ మామిడి పండ్లను హసీనా పంపినట్లు బంగ్లా అధికార వర్గాలు తెలిపాయి.