తేది:08-04-2026 సంగారెడ్డి జిల్లా ఝరాసంగం మండలం TSLAWNEWS రిపోర్టర్ ఫయాజ్ షరీఫ్.
సంగారెడ్డి జిల్లా: ఝరాసంగం మండల పరిధిలోని బొప్పన్పల్లి గ్రామ మండల పరిషత్ ప్రాథమిక పాఠశాలలో విద్యార్థుల విద్యా ప్రస్థానంలో కీలక ఘట్టమైన గ్రాడ్యుయేషన్ డే వేడుకలను బుధవారం ఘనంగా నిర్వహించారు. పాఠశాల ప్రధానోపాధ్యాయురాలు మంజుల ఆధ్వర్యంలో జరిగిన ఈ కార్యక్రమంలో విద్యార్థులు ఎంతో ఉత్సాహంగా పాల్గొన్నారు.
ప్రాథమిక విద్యను పూర్తి చేసుకుని పై తరగతులకు వెళ్తున్న విద్యార్థులకు పట్టాలను, జ్ఞాపికలను అందజేశారు. విద్యార్థులు గ్రాడ్యుయేషన్ గౌన్లు, టోపీలు ధరించి సందడి చేశారు.
ప్రధానోపాధ్యాయురాలి సందేశం: ఈ సందర్భంగా హెచ్.ఎం మంజుల మాట్లాడుతూ.. పిల్లల ఉజ్వల భవిష్యత్తుకు ప్రాథమిక విద్యే పునాది అని, క్రమశిక్షణతో చదివి ఉన్నత శిఖరాలను అధిరోహించాలని విద్యార్థులను ఆకాంక్షించారు.
గ్రామస్తుల భాగస్వామ్యం: ఈ కార్యక్రమంలో విద్యార్థుల తల్లిదండ్రులతో పాటు గ్రామ పెద్దలు పెద్ద సంఖ్యలో పాల్గొన్నారు. ప్రభుత్వ పాఠశాలలో ఇలాంటి వినూత్న కార్యక్రమాలు నిర్వహించడం పట్ల వారు హర్షం వ్యక్తం చేశారు.
పట్టాల ప్రధానోత్సవం అనంతరం విద్యార్థులు ప్రదర్శించిన సాంస్కృతిక కార్యక్రమాలు అందరినీ అలరించాయి. కార్యక్రమంలో గ్రామ సర్పంచ్ అమృత్ ఉపసర్పంచ్ రాములు మండల మైనార్టీ అధ్యక్షులు సయ్యద్ షకీల్ మాజీ సర్పంచ్ బాలయ్య గ్రామస్తులు తదితరులు పాల్గొన్నారు.