మెగాస్టార్ చిరంజీవితో ఈ సంక్రాంతికి ‘మన శంకర వరప్రసాద్ గారు’ వంటి బ్లాక్బస్టర్ హిట్ అందుకున్న అనిల్ రావిపూడి, ఇప్పుడు తన తర్వాతి ప్రాజెక్ట్పై దృష్టి పెట్టారు. నిజానికి అనిల్ తన తదుపరి చిత్రాన్ని వెంకటేష్తో చేయాల్సి ఉంది. అయితే, వెంకటేష్ ప్రస్తుతం త్రివిక్రమ్ శ్రీనివాస్ దర్శకత్వంలో ‘ఆదర్శ కుటుంబం’ షూటింగ్లో బిజీగా ఉండటం, ఆ సినిమా మే నెల వరకు పూర్తయ్యే అవకాశం లేకపోవడంతో అనిల్ ప్రత్యామ్నాయం వైపు చూస్తున్నారు. ఈ క్రమంలోనే మళ్లీ నందమూరి బాలకృష్ణతో జతకట్టేందుకు ఆయన మొగ్గు చూపుతున్నట్లు సమాచారం.
గతంలో బాలయ్య-అనిల్ రావిపూడి కాంబినేషన్లో వచ్చిన ‘భగవంత్ కేసరి’ కమర్షియల్ విజయాన్ని అందుకోవడమే కాకుండా, ఉత్తమ చిత్రంగా జాతీయ అవార్డును కూడా గెలుచుకుంది. ఈ సినిమా సమయంలో ఆంధ్రప్రదేశ్లో ఉన్న రాజకీయ పరిస్థితుల వల్ల (చంద్రబాబు నాయుడు జైలులో ఉండటం) ఫ్యాన్స్ పూర్తిస్థాయిలో సెలబ్రేట్ చేసుకోలేకపోయారని, లేదంటే ఆ సినిమా ఇంకా పెద్ద హిట్ అయ్యేదని అనిల్ ఇటీవల ఒక ఇంటర్వ్యూలో అభిప్రాయపడ్డారు. బాలయ్య కోసం అనిల్ దగ్గర ఇప్పటికే ఒక పవర్ఫుల్ స్క్రిప్ట్ సిద్ధంగా ఉందని, గోపీచంద్ మలినేని ప్రాజెక్ట్ కాస్త ఆలస్యమయ్యేలా ఉండటంతో బాలయ్య కూడా అనిల్కే గ్రీన్ సిగ్నల్ ఇచ్చే ఛాన్స్ ఉందని విశ్లేషకులు భావిస్తున్నారు.
వచ్చే ఏడాది (2027) సంక్రాంతి రేసులో ఉండాలని అనిల్ రావిపూడి లక్ష్యంగా పెట్టుకున్నారు. చిరంజీవి, వెంకటేష్ తమ ప్రస్తుత ప్రాజెక్టులతో బిజీగా ఉండటంతో, అనిల్ రావిపూడికి వెంటనే అందుబాటులో ఉన్న స్టార్ హీరో బాలకృష్ణ మాత్రమే. ఒకవేళ ఈ కాంబినేషన్ కుదిరితే, త్వరలోనే దీనిపై అధికారిక ప్రకటన వచ్చే అవకాశం ఉంది. జాతీయ అవార్డు అందుకున్న ఈ హిట్ కాంబో మళ్లీ రిపీట్ అవుతుందనే వార్త వినగానే నందమూరి అభిమానుల్లో అప్పుడే అంచనాలు పెరిగిపోయాయి.