తేది:27-12-2025 TSLAWNEWS జగిత్యాల జిల్లా ఇంచార్జి ఆకుల సంజయ్ రెడ్డి.
జగిత్యాల జిల్లా వైద్య మరియు ఆరోగ్యశాఖ అధికారి డాక్టర్ ఆకుల శ్రీనివాస్ శనివారం ఉదయం హఠాత్తుగా మృతి చెందారు ఈ విషయం తెలిసిన వెంటనే జిల్లా కలెక్టర్ బి. సత్య ప్రసాద్ ఆకుల శ్రీనివాస్ నివాసాన్ని సందర్శించి అయన పార్థివ దేహానికి పూలతో నివాళులు అర్పించి, కుటుంబ సభ్యులను ఓదార్చారు.
ఈ సందర్బంగా జిల్లా కలెక్టర్ తీవ్ర విచారం వ్యక్తం చేస్తూ వైద్య మరియు ఆరోగ్య శాఖ రంగంలో అంకితభావంతో పనిచేస్తూ, బాధ్యతాయుత అధికారిగా మంచి గుర్తింపు పొందిన డాక్టర్ ఆకుల శ్రీనివాస్ ఆకస్మిక మరణం వైద్య మరియు ఆరోగ్య శాఖకు తీరని లోటుగా పేర్కొన్నారు.
అలాగే జిల్లా అదనపు కలెక్టర్లు బి.ఎస్. లత, బి. రాజ గౌడ్ డాక్టర్ ఆకుల శ్రీనివాస్ పార్థివ దేహానికి నివాళులు అర్పించారు. శనివారం ఉదయం ఈ విషాద వార్త వెలువడగానే వివిధ స్థాయి అధికారులు మరియు వైద్య విభాగం సిబ్బంది అధిక సంఖ్యలో ఆయన ఇంటికి చేరుకున్నారు.
ఆయనతో కలిసి పనిచేసిన పలువురు అధికారులు భావోద్వేగానికి లోనయ్యారు, సేవాభావంతో మానవీయ విలువలతో విధులు నిర్వహించిన వ్యక్తిగా డాక్టర్ ఆకుల శ్రీనివాస్ ఎప్పటికీ గుర్తుండిపోతారని పలువురు అభిప్రాయపడ్డారు.