అక్కినేని నాగార్జున తన ప్రతిష్టాత్మక 100వ సినిమాను తమిళ దర్శకుడు రా. కార్తీక్ దర్శకత్వంలో అధికారికంగా ప్రారంభించారు. ఈ చిత్రానికి ‘లాటరీ కింగ్’ అనే టైటిల్ను పరిశీలిస్తున్నట్టు తెలుస్తోంది. ఈ ప్రాజెక్ట్లో హీరోయిన్గా టబు ఎంట్రీ వార్త మొదట్లో ప్రేక్షకుల్లో ఎంతో ఆసక్తిని పెంచింది. తాజాగా అందిన సమాచారం ప్రకారం, ఈ చిత్రంలో ఇద్దరు హీరోయిన్లకు అవకాశం ఉందని, వారిలో ఒకరు టబు కాగా, మరొకరు స్టార్ హీరోయిన్ అనుష్క శెట్టి అని అంటున్నారు.
ఈ సినిమా కథ పూర్తిగా రాజకీయ నేపథ్యంలో సాగనుందని సమాచారం. నాగార్జున ఈ చిత్రంలో ద్విపాత్రాభినయం చేయబోతున్నారని, ఒక పాత్ర సామాన్య మధ్యతరగతి వ్యక్తిగా, మరొకటి శక్తివంతమైన రాజకీయ నాయకుడిగా ఉంటుందని టాక్. ఈ కథలో అనుష్క పాత్ర చాలా ప్రత్యేకంగా ఉండనుందట. ముఖ్యంగా, నాగార్జున, అనుష్క శెట్టి మధ్య ఉండే రొమాన్స్ ఈ సినిమాలో ప్రత్యేక ఆకర్షణగా నిలవనుందని అంచనాలున్నాయి.
అంతేకాకుండా, ఈ భారీ ప్రాజెక్ట్లో మెగాస్టార్ చిరంజీవి అతిథి పాత్రలో (క్యామియో రోల్) కనిపించనున్నట్లు తెలుస్తుండటం సినిమాకు మరింత ఆసక్తిని పెంచింది. నాగార్జున కెరీర్లో మైలురాయిగా నిలిచే ఈ ‘కింగ్ 100’ ప్రాజెక్ట్, షూటింగ్ ప్రారంభానికి ముందే టబు, అనుష్క వంటి హీరోయిన్ల పేర్లు మరియు చిరంజీవి క్యామియో వంటి భారీ అప్డేట్స్తో ప్రేక్షకుల్లో అంచనాలను తారాస్థాయికి చేర్చింది. అధికారిక ప్రకటన కోసం అభిమానులు ఆసక్తిగా ఎదురు చూస్తున్నారు.